ხშირად დასმული კითხვები

• რა სახის კვლევებს ატარებთ?

  ჩვენ ვატარებთ სხვადასხვა სახის კვლევებს, მათ შორის, გამოხმაურების სესიებს, გამოკითხვებსა და გამოყენებადობის ტესტებს. გამოხმაურების სესიების დროს გუნდის წევრი გაგესაუბრებათ თქვენი შთაბეჭდილებების შესახებ ინფორმაციის შესაგროვებლად. გამოკითხვები ფოკუსირებულია კონკრეტულ თემებზე და მათ შესასრულებლად დროში შეზღუდული არ ხართ. გამოყენებადობის ტესტები მოიცავს ჩვენი აპის პროტოტიპის გამოყენებასა და ახალ იდეებსა თუ კონცეფციებთან დაკავშირებით გამოხმაურებას გამოქვეყნებამდე.

• როდის და როგორ მივიღებ მოსაწვევს კვლევაში მონაწილეობისთვის?

  ჩვენ რეგულარულად ვატარებთ კვლევებს და ვიწვევთ მონაწილეებს, რომელთა პროფილები საუკეთესოდ შეესაბამება ჩვენს ამჟამინდელ კვლევით საჭიროებებს. თითოეულ კვლევას აქვს უნიკალური ფოკუსი და ჩვენ ყველაფერს გავაკეთებთ, რომ შეძლებისდაგვარად მალე შეგირჩიოთ კვლევა. მოსაწვევები, როგორც წესი, ელფოსტით იგზავნება ჩვენი კვლევის დომენიდან, რომელიც მთავრდება @research.glovoapp.com-ით.
  

• რამდენჯერ შემიძლია მონაწილეობა კვლევებში?

  მონაწილეობის მიღება სასურველი სიხშირით შეგიძლიათ, მაგრამ, ჩვეულებრივ, ხშირად არ მოგიწვევთ. ზოგადად, თქვენ არ იქნებით მიწვეული სხვა კვლევაში თქვენი ბოლო მონაწილეობიდან 3 თვის განმავლობაში. ეს გვეხმარება მონაწილეთა ფართო სპექტრისთვის შესაძლებლობების მიცემაში და უზრუნველყოფს მრავალფეროვან გამოხმაურებას ჩვენი აპისთვის.

• დაწესებულია რაიმე ჯილდო მონაწილეობისთვის?

  კვლევების უმეტესობის შემთხვევაში, დათმობილი დროისთვის, მადლობის ნიშნად, მიიღებთ Glovo-ს პრომოკოდს. ამ პრომოკოდის გამოყენება შესაძლებელია ნებისმიერი რამისთვის, რასაც აპში მოისურვებთ. როგორც წესი, მას ელფოსტით მიიღებთ მონაწილეობიდან 3-5 სამუშაო დღის განმავლობაში.

• მაინც შემიძლია მონაწილეობა, თუ Glovo-ს აპს არ ვიყენებ?

  რა თქმა უნდა! გიწვევთ, გაგვიზიაროთ თქვენი გამოხმაურება და შთაბეჭდილებები მიუხედავად იმისა, გამოგიყენებიათ თუ არა ჩვენი აპი აქამდე ან იყენებთ თუ არა ამჟამად მიტანის სხვა პლატფორმებს.

• მონაწილეობისთვის ინგლისურად ან ესპანურად უნდა ვსაუბრობდე?

  მიუხედავად იმისა, რომ გამოხმაურების სესიების უმეტესობა ინგლისურ ან ესპანურ ენებზე ტარდება, ჩვენი გამოკითხვებისა და გამოყენებადობის ტესტები, როგორც წესი, ხელმისაწვდომია რამდენიმე სხვა ენაზე.

• შემიძლია მონაწილეობა, თუ ბარსელონაში ან ესპანეთში არ ვცხოვრობ?

  რა თქმა უნდა! ბევრ კვლევას ონლაინ ვატარებთ. მართალია, ზოგიერთ სესიას ფიზიკური დასწრებით ვატარებთ, თუმცა ბევრ პროექტში მონაწილეობისთვის საკმარისი იქნება მხოლოდ კარგი კავშირი ინტერნეტთან.

• შემიძლია გამოწერის გაუქმება რეგისტრაციის შემდეგ?

  დიახ, უარის თქმა ნებისმიერ დროს შეგიძლიათ. თუ რეგისტრაციის შემდეგ გადაწყვეტთ, რომ აღარ გსურთ მოსაწვევების მიღება, შეგიძლიათ შეგვატყობინოთ ელფოსტის მისამართზე: glovolab@glovoapp.com ან დააწკაპუნოთ „გამოწერის გაუქმებაზე“ ჩვენგან მიღებული ელწერილების ბოლოში.

• როგორ ამუშავებთ ჩემს პერსონალურ მონაცემებსა და გამოხმაურებას?

  თქვენი პერსონალური მონაცემები შეინახება GDPR-ის შესაბამის ხელსაწყოში, ჩვენ კი თქვენს პერსონალურ მონაცემებს მხოლოდ იმისთვის გამოვიყენებთ, რომ მოგიწვიოთ მომხმარებელთა იმ კვლევებში მონაწილეობის მისაღებად, რომლებიც შეესაბამება თქვენს პროფილს. თქვენი ყველა პერსონალური მონაცემები კონფიდენციალური იქნება Glovo-ს კონფიდენციალურობის დებულების შესაბამისად.
  
  რაც შეეხება თქვენს გამოხმაურებას, ის მკაცრად შემოიფარგლება პროდუქტების განვითარებით და გამოიყენება ჩვენი პროდუქტების გასაუმჯობესებლად. კვლევების მთავარი მიზანი იქნება მომხმარებლებისგან მიღებული გამოხმაურების გაანალიზება იმისთვის, რომ GLOVO-მ მოარგოს ის მომხმარებელთა გემოვნებასა თუ პრიორიტეტებს და გააუმჯობესოს მომხმარებელთა გამოცდილება.